Maléá - Le conseil

Ɓánɛ́ ɓá wân miloŋgá
Ndé wa mɔ́ o si nɔŋgé tɔ mɔnjɔ mwá mbálɛ
A ɓâ‚ njá mɔ́ nú kwálí ná esánjá pɛ́ é mapɔ ó toŋgo

O mapúlá tɛ́ŋgɛ́ ó tóa madíɓá‚ madíɓá má loŋgɛ́
A Múnáyeyɛ‚ ɓolá ka ɓánɛ́
Wáná ndé muloŋgá

O sí ɓɛ́ pɛ́ ndutu mɔ́ na mɔ́ e‚ bíáná ŋga njé
O sí lóndɛ́ pɛ́ mutaka ó wúma yɛ́sɛ̄ ná‚ bíáná lambo ndé dí ɓolí wǎ
Télɛ́ mísɔ́ mɔ́ŋgɔ̄
Ó ombwe tɛ́ ná sī
Ó ombwe tɛ́
O mɛndɛ́ jɛ́nɛ ná ŋgéŋgéti aŋgɔ́ pɛ́ e mapanyá ndé ka yínɛ́

Bíáná ɓá mawɔ́
Ɓá mɛndɛ́ díá ɓedúɓé ó wásē
A ɓâ‚ njá mɔ́ nú kwálí ná‚ tětē á nyólo pɛ́ e mapɔ ó ɓesua e
O mapúlá tɛ́ŋgɛ́ ó léyɛ mawómbó‚ mawómbó
O bí ná e‚ a Múnáyeyɛ
Esɛ́lɛ́ maŋgiŋgo má sɛ́lɛ ó joa mɓóko

O sí ɓɛ́ pɛ́ ndutu mɔ́ na mɔ́ e‚ bíáná ŋga njé
O sí lóndɛ́ pɛ́ mutaka ó wúma yɛ́sɛ̄ ná‚ bíáná lambo ndé dí ɓolí wǎ
Télɛ́ mísɔ́ mɔ́ŋgɔ̄
Ó ombwe tɛ́ ná sī
Ó ombwe tɛ́
O mɛndɛ́ jɛ́nɛ ná ŋgéŋgéti aŋgɔ́ pɛ́ e mapanyá ndé ka yínɛ́

Mulɔ́ŋgedi: Francis Ɓeɓey